करा मतदान

करा मतदान

मत अनमोल । ठेवूनिया जाण ।
ठेवा जरा भान । क्षणोक्षणी ॥

ध्यानात ठेवू या । दिन मतदान ।
करू या सन्मान । लोकशाही ॥

मतदान दिनी । फक्त मतदान ।
नको मानपान । कशाचाच ॥

ऐकावे जनाचे । करावे मनाचे ।
न व्हावे कुणाचे । गुलामची ॥

वृद्ध असो युवा । या मत देऊन ।
राहील टिकून । लोकशाही ॥

टाळू नका कोणी । मतदान करा ।
लोकशाही करा । बळकट ॥

मतदानासाठी । करु या जागृती ।
जनता जाणती ।असावीच ॥

जागृत असावे । देताना हे मत ।
विकासाची वात । पेटणार ॥

– प्रा.अरुण बाबारावजी बुंदेले

(संत कबीर कविराज राज्यस्तरीय पुरस्कार प्राप्त कवी)
रुक्मिणी नगर,अमरावती.
भ्रमणध्वनी :८०८७७४८६०९