![](https://www.gauravprakashan.com/wp-content/uploads/2023/10/212.jpg)
प्रत्येक व्यक्ती व कुटूंबापर्यंत केंद्र सरकारच्या योजना पोहचण्यासाठी शासन कटीबध्द – आमदार भीमराव केराम
नांदेड, : माननीय पंतप्रधान नरेंद्र मोदी यांच्या नेतृत्वाखाली देशात विवीध कल्याणकारी योजना राबविण्यात येत असून, यात प्रत्येक व्यक्ती आणि कुटूंबाचा सर्वांगीन विकास करण्यासाठी शासन त्यांच्या पर्यंत योजना पोहचविण्यासाठी कटीबध्द असल्याचे प्रतिपादन आमदार भीमराव केराम यांनी केले.
केंद्र सरकारच्या माहिती प्रसारण मंत्रालयाच्या नांदेड येथील, केंद्रीय संचार ब्यूरोच्या (Central Bureau of Communication) वतीने श्रीक्षेत्र माहूर येथील अनुसया माता मंदीर पायथ्याशी 3 दिवसांकरिता केंद्र सरकारची 9 वर्षे-सेवा सुशासन आणि गरीब कल्याणाची व आंतरराष्ट्रीय भरडधान्य वर्ष 2023 या संकल्पनेवर आधारित मल्टिमिडीया चित्र प्रदर्शनाच्या उद्घाटन प्रसंगी आमदार केराम बोलत होते.
यावेळी उपविभागीय पोलिस अधिकारी दादाराव सिनगारे, केंद्रीय संचार ब्यूरोचे क्षेत्रीय प्रसिध्दी अधिकारी माधव जायभाये, गटविकास अधिकारी सुरेश कांबळे, सहायक गटविकास अधिकारी अक्षय भगत, नगर पंचायतचे मुख्याधिकारी राजकुमार राठोड, बालविकास प्रकल्प अधिकारी परमेश्वर भिसे, पोलिस निरिक्षक डॉ. नितीन काशीकर, मंदीर संस्थानचे व्यवस्थापक अॅड. उज्वल भोपी, सामाजिक कार्यकर्ते गोपुसागर महामुने आदी मान्यवर उपस्थीत होते.
गेल्या 9 वर्षात केंद्र सरकार व्दारे विविध योजनांच्या माध्यमातून देशाच्या प्रगती बरोबरच जनतेचे जीवनमान उंचावण्यासाठी भरीव योजना राबविल्या असून देशात महामार्गाचे जाळे पसरविण्यात येत असल्याचे आमदार भीमराव केराम यांनी सांगीतले. कोरोना काळात देशात केंद्र सरकार व्दारे कोरोना प्रतिबंधक लसीची निर्मीती करून लसीकरण मोहीमी यशस्वी राबविली. तसेच अंत्योदय योजनेमार्फत प्रत्येक गरीब कुटूंबाला मोफत धान्य वाटप केले. सरकारच्या योजनांचा लाभ प्रत्येक लाभार्थापर्यंत पोहचविण्यासाठी आर्थीक मदत त्यांच्या खात्यावरच जमा करण्यात येत असल्याचे केराम म्हणाले. या प्रदर्शनात 9 वर्षाच्या कालखंडातील योजनांची माहीत तसेच तृणधान्यांची माहिती या प्रदर्शनातून चित्र आणि चित्रफीतीच्या माध्यमातून प्रदर्शीत करण्यात येत आहे.
नवरात्र काळात माहूर गडावर येणा-या भाविकांना तृणधान्यांचे महत्व पटवून देण्यासाठी तसेच या धान्यातील सत्वगुणांची माहिती घेण्यात येत आहे. या धान्यांमध्ये ज्वारी, बाजरी, रागी, राळा इत्यांदी भरडधान्याची ओळख आणि तयार होणा-या खादय पदार्थांची माहिती या पदर्शनातून देण्यात येत आहे.
या प्रदर्शनात बालविकास प्रकल्प कार्यालय यांच्या भरडधान्य आणि पोषण आहार पाककृतीचे प्रदर्शन भरविण्यात आले. यावेळी शासनाच्या विवीध योजना पटवून देण्यासाठी शाहरी अरविद खंदारे आणि संच यांनी सांसकृतिक कार्यक्रमाचे सादरीकरण करून सर्वांची मने जिंकली. कार्यक्रमाचे सुत्रसंचालन सहायक क्षेत्रीय प्रचार अधिकारी सुमित दोडल यांनी केले. हे प्रदर्शन दिनांक ते 19 ते 21 ऑक्टोबर,2023 दरम्यान दिवसभर सर्वांसाठी मोफत खूले राहणार आहे.