श्री लक्ष्मी पूजन
Contents
hide
स्वर्गा आली अवकळा
संपले वैभव धन
स्वर्ग ऐश्वर्यासाठी
झाले सागरी मंथन !!
मेरू मंदाराची रई
केला वासुकीचा दोर
क्षीरसागरी मंथन
कुर्म विष्णू पाठीवर !!
मेरू फिरें गरागरा
रत्ने निघती बाहेर
काही सुरा वाटणीला
वाटून घेती असुर !!
निघे कालकुट विष
कामधेनू, ऐरावत
कल्पवृक्ष, पांचजन्य
धन्वंतरी, पारिजात !!
उचैश्रवी अश्व, रंभा
चंद्रमा,कौस्तुभ,वारुनी
धन,अमृत कलश
आली देवी लक्ष्मी घेऊनी !!
झाला कुबेर संपन्न
तोचि दिवाळीचा सण
चला आपण करूया
देवी लक्ष्मीचे पूजन !!
सर्वां मिळो द्रव्य धन
तुम्हा आम्हा ज्ञान धन
सर्वांस आरोग्य धन
लक्ष्मीपायी मागतो दानं !!
– वासुदेव महादेवराव खोपडे
सहा. पोलीस उपनिरीक्षक (सेनि)
अकोला 9923488556
