* राष्ट्रसंत तुकडोजी महाराजांच्या 55 व्या पुण्यतीथिती निमित्य स्पर्धेचे आयोजन
* स्पर्धकांनी आवेदन करण्याचे प्राचार्य डॉ मुरलीधर खारोडे यांचे आवाहन
गौरव प्रकाशन
अमरावती (प्रतिनिधी) : राष्ट्रसंत तुकडोजी महाराजांच्या 55 व्या पुण्यतीथी महोत्सवा निमित्य गुरुकुंज आश्रम येथे राष्ट्रीय सेवा योजना व श्रीगुरूदेव आयुर्वेद महाविद्यालय यांच्या संयुक्त विद्यमाने आंतर महाविद्यालीयन वक्तृत्व स्पर्धेचे भव्य आयोजन 28 आक्टोंबर रोजी सकाळी 10 ते 5 यावेळेत करण्यात आले आहे.
राष्ट्रसंत तुकडोजी महाराज विरचित सामुदायिक प्रार्थना विश्वशांतीचा उपाय, राष्ट्रसंत तुकडोजी महाराजांचे सर्वधर्मसमभाव व राष्ट्रीय एकात्मता विषयक विचार,राष्ट्रसंत तुकडोजी महाराजांच्या ग्रामगीता ग्रंथाचा महीमा असे तिन विषय स्पर्धेसाठी आहे. स्पर्धेतील प्रथम विजेत्याला स्व इंदुताई अजाबराव देशमुख यांच्या स्मरणार्थ दहा हजार एक रुपयांचे नगद पारितोषीक,स्व शांताबाई शामरावजी बोबडे यांच्या स्मरणार्थ पाच हजार एक रुपयांचे द्वितीय पारीतोषीक,डॉ स्व अनिल गंधे यांच्या स्मरणार्थ चार हजार एक रुपयांचे तृतीय पारीतोषीक,स्व रमेश लकडे यांच्या स्मरणार्थ दोन हजार पाचशे रुपयांचे चतुर्थ पारीतोषीक व ॲड अशोक कोठारी यांच्या तर्फे पंधराशे रुपयांचे पाचवे पारीतोषीक व सर्व स्पर्धकांना प्रशस्तीपत्रक व जनसेवक जयस्वाल यांच्यातर्फे राष्ट्रसंताचे साहीत्य भेट देण्यात येणार आहे.
ज्या स्पर्धकांना वक्तृत्व स्पर्धेत सहभाग घ्यायचा असेल त्यांनी आपले आवेदनपत्र आपल्या महाविद्यालयाच्या वतीने sgayuc@gmail.com या श्रीगुरुदेव आयुर्वेद महाविद्यालयाच्या कार्यालयीन ईमेलवर पाठवावी व अधीक माहीतीसाठी राष्ट्रीय सेवा योजनेचे कार्यक्रम अधीकारी वैद्य लक्ष्मीकांत पायमल्ले यांच्या 7588574019 या भ्रमणध्वनीवर संपर्क करावा असे आवाहन श्रीगुरुदेव आयुर्वेद महाविद्यालयाचे प्राचार्य डॉ मुरलीधर खारोडे यांनी केले आहे .अखील भारतीय श्रीगुरुदेव सेवा मंडळाचे आरोग्य विश्वस्त प्रमुख डॉ पी.पी.पाळेकर यांच्या मागदर्शनात वक्तृत्व स्पर्धेचे नियोजन पुर्ण झाले आहे.
