![](https://www.gauravprakashan.com/wp-content/uploads/2023/11/IMG-20231111-WA0012.jpg)
कशी करू मी दिवाई ?
ऊडिद गेला मूंग गेला
गेल सोयाबीन वाहून
धाय धाय रडे गा धनी
काया वावराले पाहुन !!
हीरव्या पऱ्हाटीले गा
फुल बोंडया नाही आल्या
अर्ज विनंत्या त्याच्या गा
साऱ्या साऱ्या वाह्या गेल्या !!
वरून आस्मानी कहर
खाली लहर सरकारी
लचके दलाल तोडती
झाले बेईमान व्यापारी !!
राबराबलो रानात
नाही दिसला विकास
डोई वाढल रे कर्ज
बाकी भकास भकास !!
सण दसरा,दिवाई
कसा तोंडावर आला
महागाई दुष्काळान
कसा घास कडू केला !!
कशी करू मी दिवाई
काय सांगू मी लेकीले ?
कशी घालू दिवाईची ?
ओवायनी बहिणीले !!
बिना तेलाची पणति
कशी पेटवू दारात ?
सांग सांग बाबा साई
दिवा पेटिल काय पाण्यात ?
-वासुदेव महादेवराव खोपडे
सहा पोलीस उपनिरीक्षक(सेनी)
अकोला 9923488556
सहा पोलीस उपनिरीक्षक(सेनी)
अकोला 9923488556