अखेर शिल्पकार जयदीप आपटेला बेड्या.!
Contents
hide
Marathi News मुंबई : शिल्पकार जयदीप आपटे हा पुतळा कोसळल्यापासून 11 दिवस फरार होता. यामुळे पोलिसांनी त्याच्या घराबाहेर सुरक्षा व्यवस्था तैनात केली होती. पोलिसांच्या ७ पथकांकडून आरोपी जयदीप आपटेचा शोध घेतला जात होता. त्यानंतर काल रात्री उशिरा कल्याण बाजारपेठ पोलिसांनी जयदीप आपटेला बेड्या ठोकल्या आहेत.
सिंधुदुर्गातील राजकोट किल्ल्यावर उभारलेला छत्रपती शिवाजी महाराजांचा पुतळा कोसळल्यानंतर राज्यभरात एकच संतापाची लाट उसळली होती. या दुर्घटनेनंतर फरार असलेला आरोपी शिल्पकार जयदीप आपटे अखेर हाती लागला आहे. शिवराय पुतळा दुर्घटना प्रकरणातील आरोपी जयदीप आपटेला पोलिसांनी बेड्या ठोकल्या आहेत.
पोलिसांची नजर चुकवत जयदीप आपटे हा आपल्या पत्नी आणि आईला भेटण्यासाठी आला होता. त्यावेळी त्याला पोलिसांनी ताब्यात घेतले.
