धनत्रयोदशी

धनत्रयोदशी

आली दिवाळी दिवाळी
येती धनाच्या रे राशि
करू धन्वंतरि पूजा
आज धनत्रयोदशी !!

समुद्रमंथनातून
धन्वंतरी प्रगटले
मानव स्वास्थ्या साठी
त्यांनी आयुर्वेद दिले !!

घरा लक्ष्मी येई गा
धन आरोग्य घेऊन
उदंड आयुष्यासाठी
करा यमदीपदान !!

डॉक्टर बाबू आमचे
कलियुगी धन्वंतरी
नका करू बेईमानी
पाप फेडाल कुठेतरी !!

अरे घामाची कमाई
असे लक्ष्मीचा निवास
आन पापाची कमाई
असे अलक्ष्मीचा वास !!

पूजा करा तिजोरीची
आन धातुच्या धनाची
तया राखता ईमान
प्राप्ती होई सौभाग्याची !!

आज करा दान धर्म
तो सत्पात्रिच असावा
खजाना धन प्रजेचे
रक्षक चोर नसावा !!

सर्व ईडा पीडा टळो
आरोग्य मिळो सर्वांस
हेचि रे माझे मागने
त्या धन्वंतरि  देवास !!
-वासुदेव महादेवराव खोपडे
सहा पोलीस उपनिरीक्षक(सेनी)
अकोला 9923488556