संविधान

संविधान

अल्ला ने मंदीर पाडल्याचा
आणि रामाने मशीद तोडल्याचा
इतिहास अजून तरी
वाचणात आला नाही

तसा धर्म कुणाला कळलाच नाही
कुणाला अल्ला सांभाळता येईना
कुणाला राम जपता येईना

आमचाच धर्म धोक्यात म्हणून
घोषणा होतात
धर्म वाचवण्यासाठी
दंगली होतात

कुराण आणि गीतेच्या
ओझ्याखाली
इथला माणूस धोक्यात आहे
हे सांगणारं संविधान मात्र
या देशात जिवंत आहे..

बघा ना तुमचा राम
आणि तुमचा अल्ला सुद्धा
खरंतर याच संविधानाने जिवंत ठेवलाय अजूनही
कारण
संविधान लिहिणारा
धर्मावर नाही
तर माणसावर प्रेम करणारा होता
आणि त्याला विश्वास होता
केव्हा ना केव्हा
इथंली मेंढरं माणसं होऊन माणसात येतील

– दंगलकार नितीन चंदनशिवे
कवठेमहांकाळ
जि.सांगली.
मो.नं. 7020909521