बळी राजाचा सोबती
Contents
hide
बळी राजाचा सोबती
राबे हिरव्या रानात
खांद शेकण्या नंदीचे
येई पोळा श्रावणात
सोनं बैलाच्या कष्टाचं
उगवते मातीतून
राजा भरते ओंजळ
बैलसखा सोबतीनं
माती चिखल तुडवी
वाही खांद्यावर भार
मालकाचा पाठीराखा
निष्ठावंत साथीदार
शेतीवाडीच्या कामात
असे जीवाचा आधार
त्याच्या कष्ट सोबतीने
मिळे पोटाला भाकर
सण संस्कृतीचा पोळा
जपे बळी मनातून
देई पुरणाचा घास
करी नंदीचे पूजन
आज दिवस सोन्याचा
आहे नंदीच्या मानाचा
ऋण फेडण्या बैलाचे
सण साजरा पोळ्याचा
– सौ निशा खापरे
नागपूर
7057075745
