Skip to content
सह्याद्रीच्या कडे कपारी स्वराज्याचा नाद गुंजला
मायभूमीच्या सेवेसाठी शिवबा आमचा झुंजला || धृ. ||
शिवनेरीवर सिंह जन्मला, आम्हा रयतेचा वाली
जिजाऊचा छावा लढला, करूनी हाताच्या ढाली
या मातीचे पांग फेडण्या ‘जाणता राजा’ अवतरला.
सह्याद्रीच्या कडे कपारी स्वराज्याचा नाद गुंजला || १. ||
तलवारीच्या टोकावरती महाराष्ट्राची शान राखली
शक्ती आणिक युक्तीने शत्रूंनाही धुळ चाखली
दरीदरीतून बोल उमटले मुलुख अवघा दुमदुमला
सह्याद्रीच्या कडे कपारी स्वराज्याचा नाद गुंजला || २. ||
मर्दुमकीची शर्थ इथे ही मर्द मावळा भिडला
गनिमी कावा करून जिंकला गड कोटी वसला
थरथरली ती मोगलशाही ध्वज हिंदवी फडफडला
सह्याद्रीच्या कडे कपारी स्वराज्याचा नाद गुंजला || ३. ||
सह्याद्रीच्या कडे कपारी स्वराज्याचा नाद गुंजला
मायभूमीच्या सेवेसाठी शिवबा आमचा झुंजला.
Post Views: 94
Like this:
Like Loading...