- अमरावती :
- प्रेमा तुझे रंग कसे।
- प्रेमा तुझे रूप कसे।
- नाहीस तू कुठे कुठे।
- सांग ना तुज शोधू कुठे।
प्रेमाशिवाय जीवन अर्धवट आहे व प्रेमाशिवाय नाते ही अपूर्ण आहेत तर त्याच प्रेमाची योग्य वेळी ग्वाही देणेही तेवढेच गरजेचे आहे.
“प्रेम ” हे जीवनाची संजीवनी आहे. अशा आशयांनी समृद्ध असलेले Online कविसंमेलन दि.१३ फेब्रुवारी ,२०२१ रोजी प्रेम दिवसाच्या पूर्वसंध्येला *गुगल मीट* अँपवर,”विचारयश” मासिक साहित्य समूहाद्वारे कवी -साहित्यिक प्रा.अरुण बुंदेले ,अमरावती (महाराष्ट्र )यांच्या अध्यक्षतेमध्ये Online कविसंमेलन संपन्न झाले.या कविसंमेलनामध्ये कवयित्री कविता काळे,पुणे,अर्चना चव्हाण ,नागपूर, अमृता मनोहर, अमरावती यांनी अंतर” ही विरहयुक्त कविता सादर केली,वसंत उत्तमराव पवार , मधु महेश्वरी,कर्नाटक, प्रा. पद्मा नागदेवे,नागपूर ,यांनी “रंग तुझा चढू दे मला/ प्रीतीच्या रंगातला/थांब जरा प्रभाकरा /चंद्र जागा नभातला// ही प्रमविषयक काव्यरचना सादर केली.सुनेत्रा जोशी ,रत्नागिरी,बाळकृष्ण अमृतकर,नागपूर,श्रीमती शीला भनोद,तेलंगना,भूपसिंह भारती,हरियाना,प्रा.ज्ञानेश्वर गायकवाड, पुणे,विद्या निसरगंध, बीड,अरूण जी गोडे,नागपूर, चित्तरंजन चौरेजी ,नागपूर, संगीता महाजन,जळगाव या कवी आणि कवयित्रिंनी “प्रेम” या विषयावरील कवितांचे सुंदर सादरीकरण केले.कविसंमेलनाचे अध्यक्ष प्रा.अरुण बा.बुंदेले,अमरावती यांनी “प्रेम “या विषयावर मार्गदर्शन करुन जीवनात प्रेमाचे झरे निर्माण होण्यासाठी मानवता धर्माचे आचरण आवश्यक असल्याचे सांगताना
- “मानव धर्माचे/
- वर्तन हे खरे/
- प्रेमाचेच झरे /
- जीवनात//
या “प्रेम” अभंगरचनेचे गायन केले आणि” प्रेम करावं” या कवितेचे सादरीकरण केले. या Online कविसंमेलनाचे बहारदार सूत्रसंचालन कवयित्री अस्मिता प्रशांत पुष्पंजली ,भंडारा यांनी करून “प्रेमाशिवाय “या कवितेतून जग,निसर्ग,जीवन आणि विश्वातील प्रत्येक गोष्ट अपूर्ण असल्याचे सांगितले. आभार कवयित्री कविता काळे यांनी मानले.