- गौरव प्रकाशन वृत्तसंकलन
अमरावती (प्रतिनिधी) : अमरावती स्पंदन परिवार बहुउद्देशीय संस्था द्वारा संचालित बीइंग आर्टिस्ट अकेडमी ऑफ फ़िल्म अँड थिएटर आर्ट्स व अमरावती युवा स्पंदन सिनेमा प्रॉडक्शन यांच्या संयुक्त विद्यमाने ‘सिनेमा सिनेमा खेळतांना ‘ या एक दिवसीय कार्यशाळेचे आयोजन मंगळवारी बीइंग आर्टिस्ट अकॅडेमी, अमरावती येथे करण्यात आले होते.
चित्रपट उद्योग क्षेत्राची तांत्रिक ओळख आणि निर्मितीचे पायाभूत प्रशिक्षण देण्यासाठी कार्यशाळेला प्रमुख मार्गदर्शक म्हणून अमरावती युवा स्पंदन सिनेमा प्रॉडक्शन आणि स्पंदन परिवार बहुउद्देशीय संस्थेचे संस्थापक अध्यक्ष तसेच निर्माते-लेखक-दिग्दर्शक व अभिनेता पंकज धंदर, बीइंग आर्टिस्ट अकॅडेमी ऑफ फिल्म अँड थिएटर आर्टस् चे संचालक स्नेहा वासनिक, संस्थेचे जनसंपर्क अधिकारी वर्षा इंगोले, छायाचित्रकार निखिल पाटील, स्वप्नील मुळे उपस्थित होते.
कार्यशाळेची सुरवात बीइंग आर्टिस्ट अकॅडेमी ऑफ फिल्म अँड थिएटर आर्टस् चे माजी विद्यार्थी आशिष खांडेकर, मयूर चौधरी आणि आकाश पांडे यांनी एक कलावंत म्हणून शैक्षणिक आणि वैयक्तिक जीवनातील अनुभव सांगत चित्रपट क्षेत्राचे रीतसर शिक्षण घेणे महत्वाचे आहे हे उपस्थित विद्यार्थ्यांना पटवून दिले तर ओ टी टी चेनेल्स, सोशल मीडिया प्लेट्फोर्म्सची उपलब्धता या सर्वाँमुळे अनेक कलावंत आणि विद्यार्थी आपली कला जगासमोर आणण्याचा प्रयत्न करत असतांना गुणवत्तेचा विचार न करता फक्त त्यातून प्रसिद्धी आणि अर्थार्जनाचा प्रयत्न करत असतात परंतु सर्व विषयाचे तांत्रिक प्रशिक्षण महत्वाचे असल्याचे छायाचित्रकार निखिल पाटील यांनी स्वतःच्या अनुभवाद्वारे उपस्थितांना सांगितले.
त्यानंतर चित्रपट निर्मितीची पायाभूत प्रक्रीया सांगतांना कार्यशाळेचे प्रमुख मार्गदर्शक पंकज धंदर म्हणाले कि, चित्रपट व्यवसाय-उद्योग रीतसर समजल्यावरच चित्रपट हा उद्योग म्हणून स्वीकारणे सोईचे आहे अन्यथा आर्थिक नुकसानीचा धोका सहन करावा लागू शकतो. त्यानंतर कथा लेखन, दिग्दर्शन, अभिनय, छायाचित्रण, प्रकाश योजना, संकलन, ध्वनी, कला दिग्दर्शन, रंगभूषा, वेशभूषा, जाहिरात व प्रसिद्धी, सेन्सॉर सर्टीफिकेशन, वितरण व्यवस्था,आर्थिक गुंतवणुक व मोबदला या सर्व विभागांची कार्य पद्धती तसेच सिनेमा किंवा चित्रपट म्हणजे काय? कला-व्यवसाय-उद्योग-करियर म्हणून या क्षेत्राकडे बघण्याचा दृष्टीकोन कसा असावा? यावर चर्चात्मक मार्गदर्शन केले.
चित्रपट तसेच माध्यमाच्या रीतसर शिक्षणानंतर शासकीय संस्था, अशासकीय संस्था, सरकारी कार्यालये, खाजगी संस्थामधे करियर च्या संधी, तसेच फेलोशीप्स, स्कॉलरशिप, अर्थ सहाय्य मिळविण्याचे विविध मार्ग आणि प्रक्रिया बिइंग आर्टिस्ट अकॅडमीचे संचालिक स्नेहा वासनिक यानी उदाहरणासहित समजावून सांगितली.
सध्याच्या परिस्थितीत स्किल बेस शिक्षण आणि मैदानावरील खेळाचे महत्व विद्यार्थ्यांना पटवून देणे महत्वाचे आहे त्यासाठी सर्वात प्रभावी माध्यम म्हणून चित्रपट उद्द्योग क्षेत्राकडे गांभीर्याने लक्ष देणे आवश्यक असल्याचे उपस्थित क्रीडा शिक्षक जयदीप सोनखासकर यांनी सांगितले. चित्रपट उद्योजक क्षेत्राची जागरूकता तसेच चित्रपट निर्मिती कार्यशाळेचे आयोजन एकंदरीत संपूर्ण माध्यम क्षेत्रांकडे सकारात्मक दृष्टिकोनातून पाहण्यासाठी कार्यशाळेचे आयोजन केल्याचे संस्थेच्या जनसंपर्क अधिकारी वर्षा इंगोले यानी सांगितले आणि आभार प्रदर्शन केले. “सिनेमा – सिनेमा खेळतांना” या कार्यशाळेच्या यशस्वीतेसाठी धनश्री काळमेघ, रामभाऊ कोठार, अक्षय बकसरे,यश कावरे, विकास खडसे, आदर वानखडे, संदेश बायस्कर, कृष्णा लोटे, हरीश पढ़ेल, यांनी उत्स्फूर्त प्रतिसाद नोंदविला.