Skip to content
हार्दिक शुभेच्छा । कामगार दिनी ॥
शुभेच्छा वाणी । सर्वांनाच ॥१॥
जीवन जगतो । स्वतः कामगार ॥
घामाची ती धार । प्रामाणिक ॥२॥
भारतात एक । शक्ती मुलाधार ॥
राष्ट्राचा आधार । कामगार ॥३ ॥
दुजाचे ते ओझे । घेई खांद्यावर ॥
सुखाचा संसार । कामगार ॥४॥
कामगार आहे । नाही तो गुलाम ॥
स्वकष्टाचे दाम । अनमोल ॥५॥
जीवनाचे दुःख । करुनिया नष्ट ॥
शारीरिक कष्ट । रात्रंदिन ॥६॥
सुखाचे जीवन । दुःखात शोधतो ॥
राबतो कष्टतो । कामगार ॥७॥
कामगार दिन । करू नये दीन ॥
ठेवावी ही जाण । सर्वांनाच ॥८॥
-प्रा. अरुण बाबारावजी बुंदेले,
(Images Credit : Study Circle)
Like this:
Like Loading...