Skip to content
आई आहे तर विश्व भासे सुंदर
आई आहे तर सौख्याचा अंबर ।
आई नाम ईश्वराहून प्रिय ज्यांना
त्यांच्या नामें तिन्ही लोकीं गजर ।।
सदा सर्वदा आई नाम स्मरावे
प्रभात समयी तिचे दर्शन घ्यावे ।
वृद्धाश्रमी तिला स्थान देण्याचे
कधीच ना आपल्या मनी कल्पावे ।।
देव असुनी तो आईविना भिकारी
मग मानवी जीवन आहेच तरी काय? ।
त्यागूनिया मनीच्या अभिमानास
नित्यनेमे स्पर्शावे आपल्या आईचे पाय ।।
प्रेम आईचे आहे सर्वांहूनी पावन
त्रिभुवनाचा स्वामी करतो तिला नमन ।
आईच्या प्रेमाला प्राप्त करण्या
हवेहवेसे वाटते प्रत्येकांना जीवन ।।
अनंत आयुष्य अपूर्णची वाटे ।
त्यांना फुलासम वाटे मार्गातील काटे ।।
Like this:
Like Loading...
